14 ივნისიდან მომსახურების გაუმჯობესებისა და მოძრაობის ოპტიმიზაციის მიზნით სამგზავრო მატარებლებზე მსვლელობის გრაფიკი იცვლება. ამასთან მცირდება მატარებლის მოძრაობის პერიოდი. მგზავრი სასურველ ადგილზე ჩასვლას ადრინდელთან შედარებით დაახლოებით 80 წუთით ადრე შეძლებს.

გარდა ამისა, კურსირებას დაიწყებს ქუთაისი-მახინჯაურის ექსპრეს-მატარებელი, რომელიც 2 საათსა და 45 წუთში მგზავრებს ქუთაისიდან ბათუმამდე ჩაიყვანს. ამასთან, ზღვაზე დასვენების მსურველებს მოემსახურებათ თბილისი-ფოთისა და თბილისი-მახინჯაურის მიმართულებით მოძრავი ახალი საფირმო მატარებელები, რომლებიც ასევე დაჩქარებული გრაფიკით იმოძრავებენ.