აჭარის ავტონომიური რესპუბლიკის ტურიზმისა და კურორტების დეპარტამენტი აწარმოებს აჭარაში ჩამოსულ ტურისტთა სტატისტიკას. ამ მონაცემების საფუძველზე გასული წლის განმავლობაში მე-100 000, მე- 400 000 და 550 000-ე ტურისტი დაჯილდოვდა აჭარაში დასვენების საგზურით.

ტურისტების დაჯილდოვების ღონისძიება უკვე ტრადიციად ჩამოყალიბდა.  გამონაკლისი არც ეს წელია. 2010 წლის 15 ივნისს აჭარის ტურიზმის დეპარტამენტის თავმჯდომარემ ბათუმის საერთაშორისო აეროპორტში 2010 წლის მე-100 000 ტურისტი დააჯილდოვა, რომელიც თბილისიდან ოჯახთან ერთად ბათუმში კომპანია “ეარ ბათუმის” რეისით ჩამოფრინდა. მას საჩუქრად სასტუმრო “მარინაში” 10 დღიანი უფასო განთავსების ვაუჩერი გადაეცა.  ვაუჩერის ბედნიერი მფლობელი და  მე-100 000 ტურისტი არის ნინო ბოლქვაძე.
მსგავსი ღონისძიებები ისევ განხორციელდება წლის განმავლობაში.