აჭარის ტურიზმისა და კურორტების დეპარტამენტი წელს ზაფხულის სეზონის დაწყებას სიახლით ხვდება. ახალი პროდუქტისა და სერვისის განყოფილებაში შემუშავდა პროექტი, რომელიც ბათუმში 28 მაისიდან 3 ივნისის ჩათვლით სხვადასხვა ღონისძიებებისა და აქციების ჩატარებას მოიცავს. ტურიზმის კვირეულის ფარგლებში ბათუმი არაერთ საინტერესო ღონისძიებას უმასპინძლებს: ფრანის ფესტივალი, 3D Street Art(ქუჩის განზომილებიანი მხატვრობა), მუზეუმები ღია ცის ქვეშ, ფრანისა და ბრეიკ დანსის ვორკშოფები, შემეცნებითი ტურები მოსწავლეებისათვის, სპორტული შეჯიბრებები, სამეცნიერო-პრაქტიკული კონფერენციები, ველომარათონი და ა.შ

სასტუმრო "შერატონში", გაეროს ტურიზმის ორგანიზაციის ევროპის კომისიის 54-ე შეხვედრა გაიმართა. შეხვედრის პირველ დღეს უახლოესი 2 წლის განმავლობაში ევროპის რეგიონში ტურიზმის განვითარების პრიორიტეტული მიმართულებების განსაზღვრაზე იმუშავეს. მსოფლიო ტურიზმის ორგანიზაციის კონფერენციას ბათუმში 45 ქვეყნის 80-მდე დელეგატი დაესწრო.

კონფერენციას საქართველოს პრეზიდენტი დაესწრო და დელეგატებს სიტყვით მიმართა. მიხეილ სააკაშვილის თქმით, ტურიზმის განვითარება დადებითად აისახება როგორც ქვეყნის ეკონომიკური მდგომარეობის გაუმჯობესებაზე, ისე მის პოლიტიკურ-უსაფრთხოების ასპექტებზე. 

ტურიზმის ეროვნული ადმინისტრაციის ორგანიზებით, საქართველოში რუსი ტუროპერატორებისა და ჟურნალისტების 22-წევრიანი ჯგუფი იმყოფება. საქართველოში მოგზაურობის ფარგლებში, მათ ქვეყნის თითქმის ყველა რეგიონი მოინახულეს.  ორი დღის განმავლობაში სტუმრებმა აჭარის ღირსშესანიშნაოებები დაათვალიერეს. სპეციალურად მათთვის აჭარის ტურზმისა და კურორტების დეპარტმანეტში გაიმართა პრეზენტაცია, სადაც მოწვეული სტუმრები გაეცნენ ჩვენს რეგიონში ტურიზმის განვითარების ზოგად ტენდენციებს. 

 

ბათუმის ხელოვნების მუზეუმში 24 აპრილს ქართულ ხელნაწერთა ნიმუშების გამოფენა გაიხსნება. “ხელნაწერიდან თანამედროვე წიგნამდე“- ამ სახელწოდების გამოფენა 4 დღე გაგრძელდება.  თვის ბოლოს, 29 აპრილს, ხელოვნების მუზეუმი კიდევ ერთ კამერულ-გამოფენას უმასპინძლებს სახელწოდებით „ეტიუდი“, რომელზეც მინიატურის ხელოვნების ნიმუშები იქნება წარმოდგენილი. 

"ბოლო გაჩერება" - ასე ჰქვია სპექტაკლს, რომლის პრემიერა ბათუმის ილია ჭავჭავაძის სახელობის დრამატულ თეატრში შედგა. ახალგაზრდა რეჟისორმა გაგა გოშაძემ წარმოდგენა ნიკოლას ბრაერის კინოსცენარის მიხედვით დადგა და მასში თეატრის სხვადასხვა თაობის 15 მსახიობი მონაწილეობდა. აღნიშნული სპექტაკლი ბათუმის დრამატულ თეატრში განმეორებით გაიმართება 19-20 აპრილს საღამოს 20 საათზე.

აჭარის განათლების,კულტურის და სპორტის სამინისტროს მხარდაჭერით 3 აპრილიდან 20 აპრილამდე ბათუმის ხელოვნების მუზეუმში ახალი გამოფენა გაიხსნება. გამოფენაზე წარმოდგენილი იქნება ბათუმელი მხატვრების - ბექა ბოლქვაძის, დავით ქორქიასა და გიორგი ბოლქვაძის 50-მდე ნამუშევარი.