54.166.84.53 Department of Turism & Resorts of Adjara

Search

ბოტანიკური ბაღი

ბათუმიდან ჩრდილოეთით, 9 კმ. მოშორებით მდებარეობს ბათუმის ბოტანიკური ბაღი. იგი უნიკალურია მთელი ყოფილი საბჭოთა კავშირის მასშტაბით. იმ ადგილს, სადაც ბოტანიკური ბაღია გაშენებული ”მწვანე კონცხი” ქვია. ეს ბაღი დაკავშირებულია ანდრეი კრასნოვის სახელთან, რომელიც ბოტანიკისა და ფიზიკური გეოგრაფიის აღიარებული კლასიკოსია.

ბათუმის ბოტანიკურ ბაღს მსოფლიოში არ მოეძებნება ანალოგი იმ თვალსაზრისით, რომ აქ თანაარსებობენ სრულიად განსხვავებული კლიმატური და ლანდშაფტური ზონებიდან აღებული მცენარეთა სახეობები. რა საოცარიც არ უნდა იყოს, ამ ჯადოსნურ ბაღში ერთნაირად კარგად ხარობს როგორც კანარის ფინიკის პალმა, ასევე იაპონური საკურაც. აქ წარმოდგენილია განსაცვიფრებელი სილამაზის მცენარეთა ათასობით სახეობა. დამთვალიერებელთა აღფრთოვანებას იწვევს აქ გაზრდილი 1200 ჯიშის ვარდი.

ბაღის ფლორისტული სიმდიდრე მისი ცხრა განყოფილებითაა წარმოდგენილი. ესენია: აღმოსავლეთ აზიის, ჩრდილოეთ ამერიკის, ახალი ზელანდიის, სამხრეთ ამერიკის, ჰიმალაის, მექსიკის, ავსტრალიის, ხმელთაშუა ზღვის და ამიერკავკასიის ტენიანი სუბტროპიკების განყოფილებები. ბაღის მთავარ სამარშრუტო გზაზე განლაგებულია ქვედა, ზედა და ზღვისპირა პარკები. ბაღის კოლექცია შედგება მერქნიან მცენარეთა 2037 ტაქსონომიური ერთეულისაგან. მათგან 104 კავკასიური წარმოშობისაა, ხოლო დანარჩენი – უცხო ქვეყნების ფლორის წარმომადგენელია.

ბოტანიკური ბაღი იმითაც არის მნიშვნელოვანი, რომ იქ შექმნილია საქართველოს იშვიათი და გაქრობის პირას მყოფი ადგილობრივი ხეხილ-კენკროვანი ჯიშების საკოლექციო ნაკვეთი.

შთამბეჭდავია ზღვის ის ხედი, რომელიც ბოტანიკური ბაღიდან იშლება მოგზაურის წინაშე, თუმცა არანაკლებ ემოციას იწვევს ნავში მჯდომ მნახველში ბოტანიკური ბაღის ხედი ზღვიდან. არ არსებობს წელიწადის დრო, როცა ბოტანიკური ხელოვნების ამ შედევრში რაიმე არ ჰყვავის. განსკუთრებით მომხიბლავია იგი გვიან გაზაფხულზე, ზაფხულში და ადრე შემოდგომაზე, როცა ეგზოტიკური მცენარეები მორიგეობით იფეთქებენ ხოლმე ფერადი ყვავილებით და თავიანთ ვნებიან სურნელში გაახვევენ მთელს კონცხს.

ორ სმ ოთ ხთ პრ შბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30      
სექტემბერი 2014
დასაქმებული პერსონალის სერვისის დონე შეესაბამება თუ არა საერთაშორისო სტანდარტებს?
დიახ
არა
მეტ ნაკლებად
წინ
შედეგები